Sunday 24 June 2012

വിശുദ്ധ അല്‍ഫോ ന്‍സാമ്മയുടെ തിരുനാളിന്‌ ഭരണങ്ങാനം ഒരുങ്ങുന്നു

ഭരണങ്ങാനം: വിശുദ്ധ അല്‍ഫോ ന്‍സാമ്മയുടെ തിരുനാളിന്‌ ലോകത്തിന്റെ വിവിധ ഭാഗങ്ങളില്‍നിന്നെത്തുന്ന ഭക്തലക്ഷങ്ങളെ വരവേല്‍ക്കാന്‍ ഭരണങ്ങാനം ഒരുങ്ങുന്നു. ജൂലൈ 19 മുതല്‍ 28 വരെയാണു തിരുനാള്‍. കരിമരുന്നു കലാപ്രകടനങ്ങളും വാദ്യഘോഷങ്ങളും ഒഴിവാക്കിയാണു തിരുനാള്‍ ആഘോഷിക്കുന്നത്‌. 12 വൈദിക മേലധ്യക്ഷന്മാരടക്കം 72 കാര്‍മികര്‍ തിരുനാള്‍ ദിനങ്ങളില്‍ ഭരണങ്ങാനത്തെത്തും.

ജൂലൈ 19-ന്‌ രാവിലെ 10.45ന്‌ മാര്‍ ജോസഫ്‌ കല്ലറങ്ങാട്ട്‌ തിരുനാളിനു കൊടിയേറ്റും. 27 വരെയുള്ള തീയതികളില്‍ എല്ലാ ദിവസവും രാവിലെ 5.30, 6.30, 8.30, 11.00, വൈകുന്നേരം 5.00 എന്നീ സമയങ്ങളില്‍ വിശുദ്ധ കുര്‍ബാന. എല്ലാ ദിവസങ്ങളിലും വൈകുന്നേരം 6.30ന്‌ ജപമാല മെഴുകുതിരി പ്രദക്ഷിണവുമുണ്‌ട്‌. എല്ലാദിവസവും 11-നുള്ള വിശുദ്ധകുര്‍ബാന വൈദിക മേലധ്യക്ഷന്മാരുടെ മുഖ്യകാര്‍മികത്വത്തിലാണു നടക്കുന്നത്‌.

സീറോ മലങ്കര സഭ മേജര്‍ ആര്‍ച്ച്‌ബിഷപ്‌ മാര്‍ ബസേലിയോസ്‌ ക്ലീമിസ്‌ കാതോലിക്കാബാവ, ആര്‍ച്ച്‌ബിഷപ്‌ മാര്‍ കുര്യാക്കോസ്‌ ഭരണികുളങ്ങര, മാര്‍ ജോസഫ്‌ കല്ലറങ്ങാട്ട്‌, മാര്‍ ജോസഫ്‌ പള്ളിക്കാപറമ്പില്‍, മാര്‍ ജോസഫ്‌ പണ്‌ടാരശേരില്‍, മാര്‍ ജയിംസ്‌ പഴയാറ്റില്‍, ബിഷപ്‌ ഡോ. വര്‍ഗീസ്‌ ചക്കാലയ്‌ക്കല്‍, ബിഷപ്‌ ഡോ. ജോസഫ്‌ കരിയില്‍, മാര്‍ ജോസഫ്‌ പാസ്റ്റര്‍ നീലങ്കാവില്‍, മാര്‍ മാത്യു അറയ്‌ക്കല്‍, മാര്‍ ലോറന്‍സ്‌ മുക്കുഴി, മാര്‍ ജേക്കബ്‌ മനത്തോടത്ത്‌ എന്നിവര്‍ വിവിധ ദിവസങ്ങളില്‍ വിശുദ്ധ കുര്‍ബാനയര്‍പ്പിച്ചു സന്ദേശം നല്‍കും.

പ്രധാന തിരുനാള്‍ ദിനമായ ജൂലൈ 28-നു രാവിലെ അഞ്ചിനു ഫാ. ഫ്രാന്‍സിസ്‌ വടക്കേലും ആറിനു വിശുദ്ധ അല്‍ഫോന്‍സാ തീര്‍ഥാടന കേന്ദ്രം റെക്‌ടര്‍ റവ. ഡോ. ജോസഫ്‌ തടത്തിലും വിശുദ്ധ കുര്‍ബാനയര്‍പ്പിക്കും. ഏഴിന്‌ നേര്‍ച്ചയപ്പം ആശീര്‍വദിക്കല്‍. 7.15-ന്‌ മാര്‍ ജോസഫ്‌ പള്ളിക്കാപറമ്പില്‍ വിശുദ്ധ കുര്‍ബാനയര്‍പ്പിക്കും. 8.30-ന്‌ ഫാ. മാത്യു മുണ്‌ടുവാലയില്‍, 9.15ന്‌ ഫാ. അഗസ്റ്റിന്‍ പെരുമറ്റം എന്നിവരുടെ കാര്‍മികത്വത്തില്‍ വിശുദ്ധ കൂര്‍ബാന. 10ന്‌ മാര്‍ ജോസഫ്‌ കല്ലറങ്ങാട്ടിന്റെ മുഖ്യകാര്‍മികത്വത്തില്‍ ഇടവക ദേവാലയത്തില്‍ തിരുനാള്‍ റാസ. ഫാ. തോമസ്‌ മണ്ണൂര്‍, ഫാ. ജോസഫ്‌ സ്രാമ്പിക്കല്‍, എന്നിവര്‍ സഹകാര്‍മികരാവും.

തീര്‍ഥാടന കേന്ദ്രം റെക്‌ടര്‍ റവ. ഡോ. ജോസഫ്‌ തടത്തില്‍, ഫാ. ജോര്‍ജ്‌ കാവുംപുറത്ത്‌, ഫാ. തോമസ്‌ കാലാച്ചിറയില്‍, ഫാ. ജോസഫ്‌ മണിയംചിറ, ഫാ. മൈക്കിള്‍ നരിക്കാട്ട്‌്‌, ഫാ. മാത്യു മുണ്‌ടുവാലയില്‍, ഫാ. തോമസ്‌ കളത്തിപുല്ലാട്ട്‌്‌ എന്നിവരുടെ നേതൃത്വത്തിലാണ്‌ തിരുനാള്‍ ദിനങ്ങള്‍ക്കായുള്ള ക്രമീകരണങ്ങള്‍ തീര്‍ഥാടനകേന്ദ്രത്തില്‍ നടക്കുന്നത്‌.

No comments:

Post a Comment