സിംഗപ്പൂര്‍: സീറോ മലബാര്‍ മേജര്‍ ആര്‍ക്കി എപ്പിസ്‌കോപ്പല്‍ സഭ കുരിയ ബിഷപ്പ്‌ മാര്‍ ബോസ്‌കോ പുത്തൂര്‍ ജൂണ്‍ 16 മുതല്‍ 19 വരെ സിംഗപ്പൂരില്‍ സന്ദര്‍ശനം നടത്തി. ചാംഗി എയര്‍പോര്‍ട്ടില്‍ പ്രസിഡന്റ്‌ എ.കെ. സേവ്യര്‍ ആറുപറയിലിന്റെ നേതൃത്വത്തില്‍ ബിഷപ്പിന്‌ സ്വീകരണം നല്‍കി. വൈകുന്നേരം 7.30ന്‌ ബിഷപ്പിന്റെ മുഖ്യകാര്‍മികത്വത്തില്‍ ആഘോഷമായ കുര്‍ബാന അര്‍പ്പിച്ചു. നൂറുകണക്കിന്‌ വിശ്വാസികള്‍ കുര്‍ബാനയില്‍ പങ്കെടുത്തു.
ലോകത്തിന്റെ ഏതുഭാഗത്തായിരുന്നാലും തങ്ങളുടെ വിശ്വാസവും ആരാധന ക്രമവും സ്‌നേഹവും പരസ്‌പരസഹായവും സഭാ അംഗങ്ങള്‍ പാലിക്കുന്നതുകൊണ്‌ടാണ്‌ കുര്‍ബാനയില്‍ പങ്കുചേരുവാന്‍ വിശ്വാസികള്‍ എത്തിച്ചേര്‍ന്നതെന്ന്‌ പ്രസംഗത്തില്‍ മാര്‍ ബോസ്‌കോ പുത്തൂര്‍ പറഞ്ഞു.
ജൂണ്‍ 17ന്‌ രാവിലെ സിംഗപ്പൂരിലെ സീറോ മലബാര്‍ വിശ്വാസികളുടെ കുടുംബ കൂട്ടായ്‌മ യോഗം ബിഷപ്പ്‌ ഉദ്‌ഘാടനം ചെയ്‌തു. തുടര്‍ന്ന്‌ വിശ്വാസികള്‍ സംഘടിപ്പിച്ച സ്‌നേഹവിരുന്നില്‍ ഫാ. ഡൊമിനിക്‌ സാവിയോ, പ്രത്യേക ക്ഷണിതാക്കള്‍, സഭാവിശ്വാസികള്‍ തുടങ്ങിയവര്‍ പങ്കെടുത്തു.
വൈകുന്നേരം നടന്ന യൂത്ത്‌ മീറ്റില്‍ നിരവധി യുവതി, യുവാക്കള്‍ പങ്കെടുത്തു. തുടര്‍ന്നു നടന്ന എക്‌സിക്യൂട്ടീവ്‌ യോഗത്തില്‍ ബിഷപ്പ്‌ പ്രസംഗിച്ചു.
ജൂണ്‍ 18ന്‌ സിംഗപ്പൂര്‍ ആര്‍ച്ച്‌ ബിഷപ്പ്‌ മാര്‍ നിക്കോളാസ്‌ ചിയാ, സിംഗപ്പൂരിലെ വത്തിക്കാന്‍ പ്രതിനിധി എന്നിവരെയും സന്ദര്‍ശിച്ചു. സിസ്റ്റേഴ്‌സ്‌ ഓഫ്‌ ചാരിറ്റിയുടെ ഓള്‍ഡേജ്‌ ഹോമില്‍ മാര്‍ ബോസ്‌കോ പുത്തൂര്‍ സന്ദര്‍ശനം നടത്തി. പിതാവിന്റെ സന്ദര്‍ശന വിജയത്തിനായി വിവിധ കമ്മിറ്റികള്‍ പ്രവര്‍ത്തിച്ചിരുന്നു.
No comments:
Post a Comment